عايز اتقدم بشكوى في جهاز تنظيم الاتصالات ضد شركة فودافون لرفعها قيمة اشتراك نظام كنترول 25 الخاص بي إلى 30 و اضافة 100 رسالة
فاتصت بيهم قولتلهم انا اصلاً مش بستخدم رسائل خالص و ازاي ادفع فرق في خدمة انا مش بستخدمها
كان رد غير منطقي انهم عملوا استفتاء و نتيجته ان يتم اضافة 100 رسالة
انا ما اعرفش الاستفتاء ده اتعمل فين و ازاي و امتى
فوافقت على الزيادة على ان يتم تحويل الـ 100 رسالة لـ 100 دقيقة لأرقام غير فودافون
فقوبلت بالرفض منهم هذا المقترح
دى اكبر شركه بتستهبل واول شركه تغير نظام المشترك فيها بالعافيه
كلهم نصابين لكن فودافون يكفى انها بتحرق دم المشترك بطريقه ..غيرنا لك نظامك غصب عنك واضرب راسك فى الحيط
هو ده الرد الي جالي على الشكوى
اخبط راسك في الحيط
او شوف اي نظام تاني
يمكن الاستعانة بجهاز تنظيم الاتصالات من خلال عدة وسائل:
الهاتف ( المحمول أو الثابت) على الرقم المختصر (155) ، أو على الرقم المجانى (08003330333).
أو من خلال الفاكس على رقم: 0235344155 أو 0235344156
أو من خلال البريد الإلكترونى : cccomplaints@tra.gov.eg
انا توصلت للبريد الألكتروني فعلاً و بعتلهم شكوى
قول لفودافون انك هتحول لشركه تانيه وهيحلوا لك مشكلتك
اديهم على دماغهم
ده الحل الوحيد معاهم
بعتولي ايميل امبارح انهم هيوصلوا مقترحاتي للإدارة العليا
رديت عليهم انا هجدد الباقة في ميعادها الي جاي بالقيمة القديمة 28.5 لحين حل المشكلة و لو ما اتجددتش هلجأ لجهاز حماية المستهلك
بعتلولي رساله من كام يوم فيها نفس الكلام
شركه مش بتحترم عملائها
طيب ما تخش على موقعهم تظرفهم شكوىاقتباس:
المشاركة الأصلية كتبت بواسطة yyy
و بعد كدة على المنتدى بتاعهم
و بعد كدة شكوى في حهاز تنظيم الاتصالات على الايميل الي في المشاركة السابقة
الموضوع مش بياخد وقت
علشان يعرفوا اني مش لوحدي (:
Sent from my Galaxy Mega 6.3 using Forum Runner
ياباشا هما عاوزسن يطفشوك من الباقه دي اساسا 25 جنيه ايه بس
و يطفشوني ليه هو انا الي عملتها
هما الي عملوها و حددوا سعرها على كدة مش مشكلتي انا
و بعدين حسب كلامهم معايا ان الـ 100 رسالة بـ 30 جنيه
يعني هما هيدوني 30 مقابل 6.5 بس
يعني هيخسروا بسببي
و هيدفعوني ذيادة في خدمة انا مش هستخدمها اساساً
هو في حد لسة بيبعت رسائل sms
ممكن تبعتلي لينك المنتدي دهاقتباس:
طيب ما تخش على موقعهم تظرفهم شكوى
و بعد كدة على المنتدى بتاعهم
ده لينك الموضوع على المنتدى
http://forum.vodafone.com.eg/showthr...83%D9%8A%D9%84
و ده موضوع تاني
http://forum.vodafone.com.eg/showthr...ed=1#post44714
و ده صفحة الشكاوي على الموقع
http://www.vodafone.com.eg/vodafonep...sonal.......Us
للاسف عملوها معايا
هما اساسا عاوزين يطفشون بالعافيه من النظام ده انا بردو بعتولى الرساله دى
متابع
طب يلا يا رجالة كله يقدم شكاوي
رأي المتواضع لاتضيع وقتك مع ال ntra
مش حتوصل لحاجة اضغط علي الشركة افضل
الجهاز القومي لتنظيم الاتصالات اتصلوا بيا انهاردة
هههههههه
و قالولي انهم راجعوا العقود بتاعة فودافون و مكتوب فيها ان من حق الشركة تغيير السياسة السعرية بعد الرجوع لجهاز تنظيم الاتصالات و هما موقفهم سليم
قولته شكراً انا اصلاً حولت المشكلة كانت من شهر او اكتر تقريباً
Better late than never :Copy of new:اقتباس:
المشاركة الأصلية كتبت بواسطة أشرف العدوي
:tumb:
جهاز حماية المستهلك أتصلوا بيا انهاردة و سألوني لو كانت المشكلة اتحلت
بلغتهم بالكلام الي قالهولي جهاز تنظيم الاتصالات و اني ماعنديش مانع السعر يزيد في مقابل خدمة انا بستخدمها
و بلغتهم اني كنت مضطر احول لنظام تاني بسعر أعلى لان ما كنش ينفع اقفل الخط او استنى لما المشكلة تتحل
فبلغوني انهم هيرجعوا لفودافون و لإدارة الجهاز بتاع حماية المستهلك و هيتواصلوا معايا تاني